“ဆရာ လူနာနောက်တစ်ယောက်ပါ။”
ဒေါက်တာကျော် ကြည့်လိုက်တော့ အသက် ၃၀ ခန့် အမျိုးသမီးတစ်ဉီး ။
စာအုပ်တွင် အသက် ၃၃။
“ဘာဖြစ်လို့ လာပြတာလဲညီမ”
“ဟုတ်ဆရာ သွေးတိုးနေတာကြာပါပြီ၊ အမြဲတိုင်း ၁၈၀/၁၁၀ လောက်ဖြစ်ဖြစ်နေတာ၊ ဒီဆေးတွေ သောက်နေပါတယ်။”
ကြည့်လိုက်တော့ သောက်ဆေးများက စုံသည်။ ACEi, CCB, Beta blockers, Atorvastatin
“ကျောက်ကပ်က တစ်ဖက်သေးနေတာလို့ပြောပါတယ်။ Ultrasound ရိုက်ထားတာရှိပါတယ်”
ဒေါက်တာကျော်စမ်းကြည့်လိုက်တော့ ထင်သည့်အတိုင်း Left renal bruit ကြားနေရသည်။ သွေးအဖြေတွင် Creatinine, potassium ကတော့ ကောင်းသေးသည်။ “ဆရာ့ဆီလွှဲလိုက်တဲ့ ဆရာက စစ်ခိုင်းလို့ စစ်ထားတာပါ။”
Investigations ထပ်လုပ်ရန် အဆင်မပြေသေးသော အချိန်မို့ ဆေးပြန်ညှိပေးလိုက်သည်။ စာထဲတွင်တော့ Unilateral Renal Artery Stenosis ကို ACEi, ARB ပေးလို့ရသည်ဆိုထားသော်လည်း patient BP က အရမ်းတက်နေသည့် အနေအထားကြောင့် ခဏရပ်ကြည့်ရန် စဉ်းစားပြီး Spironolactone, nifedipine retard, atenolol တို့ကို ထည့်ပေးထားလိုက်သည်။
နောက်ပိုင်း ပြန်ကြည့်တော့လည်း သွေးပေါင်ကတော့ အဆင်ပြေနေသည်ကို တွေ့ရသည်။ 140/90; 130/80 လောက်ပင် ရှိတော့သည်။
အမှန် ဝန်ခံရလျှင် Renal artery stenosis ဟု Clinically သာ ထင်ခဲ့သော်လည်း အခြေအနေအရ Confirmation မလုပ်ခဲ့ရပါ။ Left renal bruit သာကြားခဲ့သဖြင့် Unilateral renal artery stenosis ဟု ထင်ခဲ့ပါသည်။ စာအရ Unilateral cases တွင် ACEi, ARB ပေး၍ ရသည်ဟု ဆိုသော်လည်း အခု Case တွင်မူ ထိုဆေးများကို ဖြတ်လိုက်ပြီး သွေးပေါင်တော့ ပိုထိန်းနိုင်ခဲ့ပါသည်။ (လူနာက အရင်ကလည်း Antihypertensives ကို ပုံမှန်သောက်နေသည့် လူနာဖြစ်ပါသည်။) ထို့ကြောင့် ဆေးပြောင်းလိုက်၍ သွေးပေါင်ထိန်းနိုင်ခြင်းဟုတ်မဟုတ် မသေချာခဲ့ပါ။
အောက်တွင် Medscape မှ Renal artery stenosis guidelines summary ကို ဖော်ပြလိုက်ပါသည်။ ဖတ်ရှုကြသော ဆရာ ဆရာမ များအနေဖြင့် Comment တွင် အတွေ့အကြုံများ သုံးသပ်မှုများ ပေးခဲ့ပေးပါရန် လည်း ဖိတ်ခေါ်ပါသည်။
https://emedicine.medscape.com/article/245023-guidelines?icd=ssl_login_gg_221103&isSocialFTC=true
