PrEP ဆိုတာ ဘာလဲ
PrEP ကို အရှည်ကောက်ပြောရလျှင် Pre Exposure Prophylaxis(against HIV) ကို အတိုကောက်ခေါ်သော အသုံးအနှုန်းဖြစ်ပါသည်။
ဘယ်သူတွေ အတွက်လဲ။
HIV ပိုးကူးစက်နိုင်ခြေများသော
- လိင်ဆက်ဆံဖော်များပြီး အကာအကွယ် ကွန်ဒုံး (Condom) ပုံမှန် မသုံးဖြစ်သူများ
- ကာမလုပ်သားများ
- အကြောထဲ မူးယစ်ဆေး သုံးစွဲတတ်သူများ
- မိမိအိမ်ထောင်ဖက် သို့မဟုတ် အဖော် တွင် HIV ပိုးရှိနေသူများတွင်
HIV ကူးစက်နိုင်ခြေကို လျှော့ချပေးနိုင်သည့် နည်းလမ်းတစ်ခုအနေနှင့် အသုံးပြုနိုင်ပါသည်။
သတိပြုရန်
- PrEP သည် ထိရောက်သောနည်းလမ်းတစ်ခုဖြစ်သော်လည်း တခြား HIV ကာကွယ်သည့် နည်းလမ်းဖြစ်သည့် ကွန်ဒုံးအစားထိုးနည်းလမ်းအနေနှင့် အသုံးမပြုစေလိုပါ။ အကြောင်းမှာ ကွန်ဒုံးသုံးစွဲမှသာ HIV အပြင် တခြားလိင်မှ တဆင့်ကူးစက်တတ်သော အသည်းရောင်အသားဝါပိုးများ၊ ဂနိုရောဂါစသည်တို့ကို ကာကွယ်နိုင်မည်ဖြစ်ပြီး PrEP သည် HIV တစ်မျိုးတည်းအတွက်သာဖြစ်သည်။ PrEP ကို ကွန်ဒုံးနှင့် တွဲသုံးလျှင်ပိုမိုထိရောက်နိုင်မည်ဖြစ်သည်။
- PrEP သည် ပုံမှန်သောက်သုံးမှသာ ပိုမိုထိရောက်နိုင်မည်ဖြစ်သည်။ တစ်နေ့တစ်ကြိမ်သောက်သုံးရမည်ဖြစ်ရာ အချိန်မှန်သောက်သုံးရန်လိုပါသည်။
- CDC က ပြောကြားထားချက်အရ PrEP သည် မူးယစ်ဆေးထိုးသုံးစွဲသူများနှင့် မိန်းမကိုယ်တွင် ကာမဆက်ဆံခြင်းများအတွက် စသောက်ပြီး၂၁ ရက်၊ စအိုတွင် ကာမဆက်ဆံခြင်းများအတွက် စသောက်ပြီး ၇ရက်ကြာမှသာ ကာကွယ်နိုင်ခြေအကောင်းဆုံးအနေအထားသို့ရောက်သည်ဟုဆိုသည်။
PrEP အမျိုးအစားများ
- နေ့စဉ်သောက်ရသည့် သောက်ဆေးအမျိုးအစား (လတ်တလော သောက်ဆေးအမျိုးအစားသည် မြန်မာနိုင်ငံတွင် ရရှိနိုင်ပါသည်။)
- တစ်လတစ်ခါထိုးရသည့် ထိုးဆေး
- အမျိုးသမီများတွင် မိန်းမကိုယ်တွင် ထည့်ထားရသည့် Ring အမျိုးအစား
PrEP သောက်ရန်
- သင့်တွင် HIV ပိုးမရှိနေရန် လိုပါသည်။
- လိုအပ်သော စစ်ဆေးမှုများခံယူပြီး PrEP စသောက်ရန် ဆရာဝန်နှင့် ဆက်သွယ်ပါ။
PrEP ရရှိနိုင်သောနေရာများ
- Top Center Myanmar facebook page
- Prevent Yangon facebook page
- ထွန်းအခမဲ့ဆေးခန်းများ စသည်တို့တွင် စုံစမ်းရယူနိုင်ပါသည်။
