Post exposure prophylaxis of HIV ဆိုသည်မှာ
HIV ပိုးကူးစက်နိုင်သည့် အခြေအနေမျိုးတွင် ပိုးကူးစက်နိုင်ခြေလျော့နည်းစေရန်သောက်သုံးရသော ဆေးများဖြစ်ပါသည်။
PEP ကို သုံးသင့်သည့် အခြေအနေများ
- စိတ်မချရသူနှင့်အကာအကွယ်မဲ့ လိင်ဆက်ဆံမိလျှင်၊ ကွန်ဒုံးသုံးသော်လည်းပေါက်သွားခြင်း၊ ကျွတ်သွားခြင်း စသည်တို့ ဖြစ်လျှင်
- အပ်စူးလျှင်၊ဆေးထိုးအပ်မျှဝေသုံးစွဲမိလျှင်
- လိင်အကြမ်းဖက်ခံရလျှင်
PEP စသောက်ရမည့် အချိန်
HIV ကူးစက်နိုင်ခြေရှိသော အဖြစ်အပျက်ဖြစ်ပြီး ၇၂ နာရီအတွင်းစသောက်ရပါမည်။
မည်မျှကြာအောင်သောက်ရမည်နည်း။
၂၈ ရက်သောက်ရမည့်ဆေးဖြစ်ပါသည်။
PEP သောက်ရန်လိုအပ်ချက်များ
သင့်မှာ HIV မရှိဖို့လိုပါမယ်။ အဲ့လိုပဲ တခြားရောဂါအခံတွေ ရှိမရှိ စစ်ဆေးပြီးမှသောက်ရပါမည်။ ဆရာဝန်ညွှန်ကြားချက်နဲ့ စစ်ဆေးပြီးမှ သောက်ရမှာမို့ ဆရာဝန်နဲ့ အမြန်ဆုံးဆက်သွယ်ပါ။
ဘေးထွက်ဆိုးကျိုးဘာတွေရှိနိုင်ပါသလဲ။
အဓိက ဘေးထွက််ဆိုးကျိုးတွေ အနေနဲ့ကတော့ မူးတာ၊ ပျို့အန်တာ၊ ဗိုက်ကယ်တာ၊ အစားမစားချင်တာတွေ ဖြစ်တတ်ပါတယ်။ ကျောက်ကပ်ကောင်းမကောင်းကြည့်ဖို့လည်းလိုပါတယ်။
PEP ကို အကာအကွယ်မဲ့ လိင်ဆက်ဆံပြီးတိုင်း သောက်လို့ရပါသလား။
PEP ကို ခဏခဏသောက်နေရင် HIV ကို ကာကွယ်နိုင်ခြေ နည်းလာပါမယ်။ ဒါကြောင့် HIV ကာကွယ်နိုင်ဖို့ကွန်ဒုံးသုံးတာမျိုးကိုပဲ ဦးစားပေးလိုက်နာပါ။ PEP ကို အရေးပေါ်အခြေအနေမှာပဲ သုံးသင့်ပါတယ်။
