ကိုက်ခဲခြင်း၊ ဖျားနာခြင်းများအတွက် သုံးသောဆေးဖြစ်သည်။
အောက်ဖော်ပြပါအချက်များသည် ယေဘူယျအားဖြင့် ဖော်ပြထားခြင်းသာြဖစ်သည်။ လူနာတစ်ဉီးချင်း၏ ရောဂါအခံနှင့် အခြေအနေပေါ်မူတည်၍ ဆရာဝန်၏ ညွှန်ကြားချက်အတိုင်း လိုက်နာရပါမည်။
သောက်သုံးနိုင်သည့် ပမာဏ
လူကြီးများအတွက် သောက်သုံးနိုင်သည့် ပမာဏ
- ၅၀၀ မီလီဂရမ် (500mg) ဆေးကို တစ်နေ့ ၄ ကြိမ်ထိ သောက်သုံးနိုင်ပါသည်။ 650 မီလီဂရမ် (650 mg) ဆေးကို တစ်နေ့ ၃ ကြိမ်ထိ သောက်သုံးနိုင်ပါသည်။ ထိုထက်များသော ပမာဏ လိုအပ်နိုင်သော်လည်း ဆရာဝန် ညွှန်ကြားမှသာ ထိုထက်ပိုမိုသောက်သုံးသင့်သည်။
ကလေးများအတွက် သောက်သုံးနိုင်သည့် ပမာဏ
- ကလေး၏ ကိုယ်အလေးချိန်ကို ကီလိုဂရမ် (Kilogram/kg) နှင့် ချိန်ပြီး ၁၅ နှင့်မြှောက်ပါက တစ်ကြိမ်သောက်နိုင်သည့် မီလီဂရမ် (mg) ကို ရပါမည်။ အများဆုံးတစ်ခါတိုက် ၅၀၀ မီလီဂရမ် (500mg) ထိသာ တိုက်ပါ။ တစ်နေ့ ၃ ကြိမ်ထိ သောက်နိုင်ပါသည်။
- ကလေးများအတွက် အရည်နှင့် လာပါက အရည်တွင် ပါသော ပမာဏပေါ်မူတည်၍ တိုက်ရမည်ဖြစ်ရာ ဆရာဝန်နှင့် တိုင်ပင်ပေးပါ။
ကျောက်ကပ်နှင့် အသည်း ရောဂါအခံရှိသူများအတွက် ဆရာဝန်ညွှန်ကြားသည့်အတိုင်းသာ သောက်သုံးရပါမည်။
(စအိုတွင်ထည့်ရသော ဆေးတောင့်လည်း လာပါသည်။ အထက်ပါ ဆေးပမာဏအတိုင်း တွက်ချက် အသုံးပြုနိုင်ပါသည်။)
အစာနှင့် သောက်သုံးရန်လို/မလို
အစာစားပြီးသောက်သုံးသင့်ပါသည်။
ကိုယ်ဝန်ဆောင်နှင့် နို့တိုက်မိခင်တွင် သောက်သုံး၍ ရ/မရ
- ယေဘူယျအားဖြင့် ရပါသည်။ (သို့သော် ဆရာဝန်ကို အသေးစိတ်မေးမြန်းသင့်ပါသည်။)
ဘေးထွက်ဆိုးကျိုးများ
- ပျို့အန်ခြင်း၊ အစာအိမ်ထိခြင်း၊ သွေးနှင့်ပတ်သက်သော ပြဿနာများ
- သောက်သုံးသင့်သော ပမာဏထက် ပိုမိုသောက်သုံးမိပါက အသည်းထိဓာတ်ပါသည်။
ဆေးကို မသောက်သင့်သူများ
- အရင် Paracetamol မတည့်ခြင်းဖြစ်ဖူးသူများ၊ အသည်းရောဂါပြင်းထန်သူများ
သတိပြုရမည့် သူများ
- အသည်း ကျောက်ကပ် ရောဂါရှိသူများ၊ သွေးရောဂါ (G6PD နည်းသူများ) ရှိသူများ အနေဖြင့် ဆရာဝန်နှင့် တိုင်ပင်ပြီးမှသာ သောက်ပါ။
