Search
Search
Search

Hypothyroid and foods (Thyroid hormone နည်းသူများနှင့် အစားအသောက်ပုံစံ)

ရှေ့တစ်ရက်က Thyroid ဟော်မုန်းများသူများတွင် ဆင်ခြင်ရမည့် အစားအစာများကို ရေးခဲ့ပါတယ်။ အခု Thyroid hormone နည်းသူများမှာ လိုက်နာသင့်သော အစားအသောက်ပုံစံများကို ဖော်ပြပေးလိုက်ပါတယ်။

စားသုံးသင့်သည့် အစားအစာများ

အိုင်အိုဒင်း

အိုင်အိုဒင်းဓာတ်နည်းလျှင် Thyroid ဟော်မုန်းဓာတ်နည်းတတ်ပါတယ်။ အထူးသဖြင့် တောင်ပေါ်ဒေသများတွင်အိုင်အိုဒင်းပိုမိုချို့တဲ့ပြီး လည်ပင်းကြီးရောဂါဖြစ်ပွါးတတ်ကြပါတယ်။ အိုင်အိုဒင်းဆားကို ပုံမှန်သုံးစွဲသင့်ပါတယ်။ပင်လယ်ငါးများ၊ ပုဇွန်၊ ဂဏန်း၊ ပင်လယ်ရေမှော် စသည်တို့ကလည်း အိုင်အိုဒင်းများသော အစားအစာများဖြစ်ပါတယ်။

ဆီလိီနီယမ် (Selenium)

Selenium ဓာတ်ကလည်း Thyroid ဟော်မုန်းထုတ်ရာတွင် လိုအပ်သော ဓာတ်တစ်မျိုးဖြစ်ပါတယ်။ Selenium ဖြည့်စွက်အားဆေးအနေဖြင့်လည်း ဆရာဝန်များက ညွှန်ကြားတတ်ကြသလို Selenium ပါဝင်တဲ့ အစားအစာများအထဲမှာ ဥအမျိုးမျိုး၊ ပဲပင်ပေါက်၊ တူနာ၊ ဆာဒင်းစတဲ့ ငါးများပါဝင်ပါတယ်။

သံဓာတ်

သံဓာတ်အားနည်းခြင်းကြောင့် သွေးအားနည်းခြင်းသည်လည်း Thyroid ဟော်မုန်းနည်းခြင်းနှင့် ဆက်စပ်တတ်ရာသံဓာတ်အားနည်းမှု ရှိပါက ဆရာဝန်၏ ညွှန်ကြားချက်နှင့် သံဓာတ်အားဆေးသောက်ရပါမယ်။

အခြားဓာတ်များ

ဗီတာမင်ဒီ၊ မက်ဂနီစီယမ် (Magnesium)၊ B12, ဇင့် (zinc) တို့ကလည်း thyroid အတွက် ကောင်းတဲ့ ဓာတ်များဖြစ်သည့် အလျောက် ဆရာဝန်၏ ညွှန်ကြားချက်နှင့် အညီ လိုအပ်ပါက ဖြည့်စွက်သောက်သုံးဖို့လိုပါမယ်။

ရှောင်သင့်သည် အစားအစာများ

ဂေါ်ဖီ၊ ပန်းဂေါ်ဖီ၊ ပန်းဂေါ်ဖီစိမ်း၊ မျှစ်နှင့် ပဲပိစပ်မှ ထုတ်ထားသော ပဲနို့၊ ပဲပြားစတဲ့ အစားအစာတွေက Thyroid ဟော်မုန်းထုတ်တာကို နည်းစေတတ်လို့ အဆိုပါအစားအစာများကို လျှော့စားသင့်ပါတယ်။ အထူးသဖြင့် မချက်ဘဲစားရင် ပိုဆိုးတတ်သည်ဟု ဆိုကြပါတယ်။ 

နောက်တစ်ခုရှိသည်မှာ Thyroid ဟော်မုန်းဆေးသည် ပဲပိစပ်ပါသော အစာများ၊ အမျှင် ပါဝင်မှုများသော အစားများ၊ ကယ်စီယမ် (Calcium)ပါဝင်မှုများသော နွားနို့အပါအဝင် အစားအစာများနှင့် တွဲသောက်မိပါက ဆေးအာနိသင် လျော့ကျနိုင်သဖြင့် Thyroid ဟော်မုန်းဆေးကို အစာမစားမီသောက်သုံးရန် ညွှန်ကြားလေ့ရှိပါသည်။ 

အစာလည်းဆေး ဆေးလည်းအစာဆိုသကဲ့သို့ စားသုံးသင့် ရှောင်ကြဉ်သင့်သော အစားအစာများကို ဆင်ခြင်ကြခြင်းဖြင့် ပိုမိုကောင်းမွန်သော ကျန်းမာရေးကို ရရှိနိုင်ကြပါစေရန် ဆန္ဒပြုလိုက်ပါတယ်။

ဒေါက်တာကျော်​(ဆေးပညာ)

#ziwakacare 

#ကိုယ်စိတ်ကျန်းမာ 

#Allaboutmedicine 

#Doctors_Myittar 

Leave a Reply

Share:

Latest Posts:

Ischemic heart diseases – risk factors

နှလုံးသွေးကြောကျဉ်းတာ ဘာကြောင့်ဖြစ်ရတယ်။ ဆရာတို့တတွေ အသက် ၃၀ ကျော်လာပြီဆိုတာနဲ့ သွေးကြောနံရံလေးတွေမှာ အဆီလေးတွေ စစုလာပါတယ်။ အဲ့ဒီ အဆီလေးတွေက ပိုများလာရင်း များလာရင်းနဲ့ တဖြည်းဖြည်း သွေးကြောလေးတွေက ကျဉ်းလာကြပါတယ်။ အသက်အရွယ်ရလာတာနဲ့အမျှ သွေးကြောနံရံက အဆီတွေပိုပိုများလာ သွေးကြောတွေ ပိုပိုကျဉ်းလာကြတာပါ။ သွေးကြောကျဉ်းတာကိုပိုမိဖြစ်ပွါးစေတဲ့ အရာတွေ ရှိပါတယ်။ အမျိုးသားတွေမှာ

Anaphylaxis

ဆေးဓာတ်မတည့်ခြင်းအကြောင်း ဆေးခန်းပြတဲ့အခါ ဆရာဝန်က “ဆေးမတည့်တာ ရှိလား” ဆိုပြီးမေးတာကြုံဖူးကြမှာပါ။ အများအားဖြင့်တော့ ဓာတ်မတည့်တာ မရှိဖူးဘူးလို့ ပြန်ဖြေဖြစ်ကြမှာပါ။ တချို့ကျတော့လည်း Burplex မတည့်ဘူး၊ Penicillin မတည့်ဘူး စသဖြင့် ပြောကြပါတယ်။ ဆေးတခုနဲ့ ဓာတ်မတည့်ဘူးဆိုရင် ဘယ်လိုလက္ခဏာတွေ ပေါ်လာတတ်တာလဲ ဓာတ်မတည့်တာ ဖြစ်ပြီဆိုရင် အရေပြားတွေ ယားယံလာမယ်၊

Diabetes and Pregnancy

ဆီးချိုရှိသူအမျိုးသမီးတွေ အနေနဲ့ ဆီးချိုကို သေချာမထိန်းနိုင်ခင် ကိုယ်ဝန်ရသွားခဲ့ရင် ကိုယ်ဝန်ဆောင်ကာစမှာ ဆီးချိုကို ဆက်မထိန်းနိုင်တာမျိုးဖြစ်ဖို့များပါတယ်။ အဲ့လိုမျိုးဆို ကလေးမှာ မွေးရာပါချို့ယွင်းချက်ရှိတာ၊ ကလေးပျက်ကျတာ စတဲ့ ပြဿနာတွေ ဖြစ်ဖို့အလားအလာများပါတယ်။ အဲ့ဒါအပြင် သောက်လက်စ ဆီးချိုဆေးတွေထဲမှာ Metformin လောက်ကလွဲပြီး ကျန်တဲ့ ဆီးချိုသောက်ဆေးတွေက ကိုယ်ဝန်ဆောင်ကာလမှာ ဆက်မသောက်သင့်ပါဘူး။ ကိုယ်ဝန်ဆောင်ချိန်မှာ

ဆေးကြောင့်ဖြစ်တဲ့ ဆီးချို

တခါတလေမှာ ဆီးချိုရောဂါဟာ တချို့ဆေးတွေ ကြောင့် ဖြစ်တတ်ပါတယ်။ အများအားဖြင့် ရင်ကြပ်လို့၊ အဆစ်အမြစ်တွေကိုက်ခဲလို့၊ အစားမစားနိုင်လို့ စားချင်အောင်၊ လူနေရတာ လန်းဆန်းအောင် ဆိုပြီး စပ်ဆေးတွေထဲမှာ ပါနေတဲ့ စတီးရွိုက် (Steroids) ဆေးတွေကြောင့် အဖြစ်များပါတယ်။ အဲ့ဆေးနာမည်တွေကတော့ Prednisolone, Dexamethasone, Methyprednisolone, Hydrocortisone, Triamcinolone