ကြောက်ဖို့ ကောင်းတဲ့ ဖြစ်ရပ်တစ်ခုပါ။
ဒါပေမယ့် ကြောက်နေရုံနဲ့ မပြီးပါဘူး။ အရေးကြီးတဲ့
အဓိက ၂ ချက်ကို လုပ်ဆောင်ရပါမယ်။
၁။ ကိုယ်ဝန်ကာကွယ်ဖို့
မိန်းခလေး အနေနဲ့ ကိုယ်ဝန်ရနိုင်ခြေရှိသွားပါပြီ။ ဒါကို ကာကွယ်ဖို့ အရေးပေါ်တားဆေး သောက်ရပါမယ်။ ဆက်ဆံပြီး ၇၂ နာရီအတွင်း သောက်ရပါမယ်။ ၂ လုံးပါတဲ့ အရေးပေါ်တားဆေးဆို ပထမတစ်လုံးကို သောက်ပြီး ၁၂ နာရီမှာ ဒုတိယအလုံးကို သောက်ရပါမယ်။ တစ်လုံးထဲပါတဲ့ အမျိုးအစားဆိုရင်တော့တစ်ခါပဲ သောက်ရင် ရပါပြီ။
သောက်ပြီး ၃နာရီ အတွင်း အန်ရင် ပြန်သောက်ရပါမယ်။
အရေးပေါ်တားဆေးလို့ ဆေးဆိုင်တွေမှာ မေးဝယ်ပါ။
၂။ HIV ကာကွယ်ဖို့
ဒါက ယောကျာ်းလေးရော မိန်းခလေးပါ အရေးကြီးပါတယ်။ ကိုယ့် ဆက်ဆံဖော်က စိတ်ချရတဲ့ အနေအထား မဟုတ်ဘူးဆိုရင်ပေါ့။အဲ့ဒါကျ ကိုယ့်ဘာသာ ဝယ်သောက်လို့ မရတော့ဘူး။ ဆရာဝန်နဲ့ တိုင်ပင်ရပါမယ်။
HIV ကာကွယ်ဆေးကလည်း ၇၂ နာရီ အတွင်း စသောက်ရပါမယ်။ ၇၂ နာရီကျော်ရင် သောက်လို့ မရတော့ဘူးဆိုတော့ ဆရာဝန်နဲ့ အမြန်တိုင််ပင် လိုအပ်တာ စစ်ဆေးပြီး သောက်ရပါမယ်။
