လေပူထတတ်သူများအတွက်

အစာအိမ်မှ အက်ဆစ်ဓာတ်များ အစာမျိုပြွန်ဘက်သို့ ပြန်ဆန်တက်လာခြင်းကြောင့် လေပူထခြင်း ဖြစ်တတ်သည်။ ဆေးပညာအခေါ်အဝေါ်အရ လေချဉ့်ပြန်ခြင်း (Gastroesophageal Reflux Disease) ဟုလည်းခေါ်ပါသည်။

လေပူထတတ်သူများအတွက် လိုက်နာဆင်ခြင်ရမည့် အချက်များကို ဖော်ပြပေးလိုက်ပါသည်။

၁။ အစားကို နည်းနည်းနှင့် ခဏခဏစားပါ။ အစားကို တစ််ခါတည်းအများကြီး စားလိုက်ပါက အစာအိမ်တင်းလာပြီး တချို့အစာများသည် အစာမျိုပြွန်ဘက်သို့ ပြန်တက်လာက လေပူထခြင်းကို ပိုဆိုးစေတတ်ပါသည်။

၂။ ညအိပ်ခါနီး အစားအများကြီး မစားပါနှင့်။ အစားအများကြီးစားပြီး လှဲအိပ်လိုက်လျှင် အစာနှင့် အက်ဆစ်များသည အပေါ်ဘက်သို့ ပြန်တက်လာနိုင်ခြေပိုများပါသည်။

၃။ ဝိတ်လျှော့ပါ။ လေချဉ့်ပြန်ခြင်းသည် ဝသူများတွင် ပိုမို ဖြစ်ပွါးတတ်ပါသည်။

၄။ အပူအစပ်၊ အဆီများသော အစားအစာများနှင့် ကော်ဖီတို့သည်် လေချဉ့်ပြန််ခြင်းကို ပိုဆိုးတတ်ပါသည်။

၅။ ဆေးလိပ် အရက်တို့သည်လည်း လေချဉ့်ပြန်ခြင်း ကို ပိုဆိုးတတ်သဖြင့် ရှောင်ကြဉ်ရပါမည်။